返到香港周身骨痛 , 肚瀉次數十隻手指都數唔曬...

就連四層樓梯都特別漫長...

好在有您向我身邊 ,

陪我食粥 ,

逗我笑 ,

百般交集

多謝各位好同事 , 向我病個陣咁幫我 , 非常感激!!!

今年向康文署擔任嘅職務已經完結 , 其間所學到嘅唔單只係睇天氣 , 將大艇爬得更快 , 重有好多好多 ..... , 甚至知道咩叫患難見真情 , 再辛苦再麻煩嘅事 , 身邊有人可以同自己有共鳴 , 總係可以將煩惱放下 !!!

向康文署做救生員已經四年啦 , 時間過得太快 , 初初入去個陣個個都叫我小師妹 , 好多師兄師姐都好樂意教我 , 依家 ......都有少少啦 ,  入得黎做嘅 , 有啲十六 ,七歲 , 顯得我有啲老餅 , anyway 希望下年唔好再繼續做呢份工 , 轉型成功啦 !!!

邦 ! 加油呀 ! 你咁努力 , 我相信你好快脫離呢個圈子 ^^

早幾日爸爸比個打磨機界到隻腳 , 我好擔心呀 , 希望二哥可以做到野啦 !!!

有時真係好嬲自己點解會係呢個時候病 ~

 過埋今晚就二十歲女~

今年做咗幾個重要嘅決定 ,

(1)由中五開始留嘅長髮剪短 !

(2)將一隻位生錯位 , 陪咗我差不多十年嘅恆齒脫掉 !

(3)由三年前做救生員開始就已經想去嘅長隆 , 昨日終始去到 !

(4)放棄咗讀建造工程嘅學位 , 離開咗校園這個咁美好嘅避難所 !

(5)拍咗人生第一個 , 亦可能係最後一次嘅廣告同電影 !

(6)最重要嘅當然係同您成為情侶 ! ^^

我知道未來會有更多同更重要嘅事需要決擇 , 但係我知道只要有您向我身邊 , 我會少好多煩惱 !

三年半前，第一次接觸沙灘老救～　

三年半後，兜兜轉轉還是回到大嶼山做～

向IVE讀個陣，呢個高大嘅阿sir，教我體能ga^^

第一次拍嘅廣告出咗街lu ~

您的胸膛給我溫暖 , 我想您永遠抱著我!!!

討厭自己 , 連自己都放棄自己~

等一個唔知幾時先出現嘅結果 , 值得嗎?

好想可以好似以前咁 , 返6:00a.m.收10:00p.m. , 最少時間同工作呢支麻醉針 , 可以暫時令我止痛 ~

好多以前未學過嘅事物 , 趁宜家去學 , 令生活更加充實 ??定係當佢係麻醉針 , 大力地插入腦中 , 令自己忘掉過去??

真係唔可以再安靜 , 靜只會令自己胡思亂想......

真係唔可以再聽歌 , 歌只會令自己流淚不至......

或者我要像從前一樣 , 將所有嘢Delete , 先可以做回自己 , 可以嗎?? 或者今次要比上次更需要勇氣更加多時間 ~

明年今日我們還可以成為朋友嗎??